بۇل تۋرالى الماتى اكىمى ب. ساعىنتايەۆ وڭتۇستىك استانانىڭ 25 جىلعا دەيىنگى بولاشاعىن بولجاعان Kazakhstan Growth Forum 2019 حابارلادى، دەپ جازادى قالالىق اكىمدىكتىڭ باسپا ءسوز قىزمەتى.

ونىڭ سوزىنشە، الماتى – ەلىمىزدىڭ نەگىزگى قاقپاسى عانا ەمەس. وڭتۇستىك استانا – بارشا وڭتۇستىك ازيا ءوڭىرىنىڭ جاھاندىق ينتەگراسياسىنىڭ درايۆەرى جانە بولاشاقتا جاڭا جىبەك جولىنىڭ ىسكەرلىك جانە مادەني استاناسى. ويتكەنى الماتىدا ءىرى ساۋدا-لوگيستيكالىق حاب، جاڭا جىبەك جولىنىڭ ءدال ورتاسىنداعى كوممۋنيكاسياسى تورابى بولۋدىڭ بارلىق مۇمكىندىكتەرى بار.

باسەكەگە قابىلەتتى بولۋ ءۇشىن ءبىز الدىڭعى قاتارلى قالالاردىڭ جوعارى ستاندارتتارىنا ساي بولۋىمىز كەرەك. الماتى زاماناۋي ۇسىنىستارعا دايىن بولۋى جانە اۋقىمدى مىندەتتەردى شەشۋى ءتيىس.

«ءبىزدىڭ قالامىزدىڭ ماقساتى مەن ستاندارتتارىن دامىتۋ – 5 ملن حالقى بار مەترووڭىردىڭ العاشقى جاھاندىق ينتەگراتورى جانە وڭىرلىك حابىنا اينالۋعا نەگىزدەلگەن. كەز-كەلگەن زاماناۋي مەگاپوليس رەتىندە الماتى ءومىر سۇرۋگە جايلى، بيزنەس ءۇشىن پەرسپەكتيۆالى، كوممۋنيكاسيا ءۇشىن قولايلى بولۋى ءتيىس. مۇندا قالانىڭ دامۋىنا ۇلەس قوسۋعا ىنتالى جاننىڭ «الماتىلىق ارمانى» ورىندالۋى قاجەت»، – دەپ اتاپ ءوتتى ب. ساعىنتايەۆ.